كنت قاعد فى حالى بأفتكر حالى قبل الجواز (كانت أيام حلوة)
لقيت مراتى بتفوقنى وتقولى
جالك تاج يا شيكابالا
قلت أحمدك يارب
كل ال يجيبو ربنا كويس
التاج دة من (مواطن مصرى نايم)
أشكرك على إهتمامك وهديتك :
التاج
ماذا يمثل لك العيد ؟ وما أكثر شىء يبهجك فى مظاهر العيد؟
فرحة-لبس جديد -أستحمام-عيدياااات.
واكبر فرحة انى باخد اجازة فى العيد
-----------------------------------
أوصف لنا طقوسك فى العيد من ليلة العيد لآخر يوم ؟
تبادل التهانى-توديع الخروف-عمل خطة وبرنامج الفسحة-
الإستعداد لصلاة العيد - أنام - أزور الأهل -
آكل فتة ولحمة طبعاً 5 أيام من غير ما أزهق
--------------------------------
أحكى لنا أطرف موقف حصلك فى العيد ؟
كنت متفق مع جزار عشان الأضحية ولما رحتلة بعد الصلاة
لقيتة مات ومالاقيتش جزار تانى فاضى
فخبطت الخروف بالعربية وسلختة
وكل سنة وانتم طيبين
------------------------------
يتحرص على تهنئة الأهل والأقارب والأصدقاء ولة مش بتهتم ؟
بأهتم جداً عشان العيدية
-------------------------
مين أول حد تزورة أو تكلمة عشان تهنية بالعيد ؟
والدى و والدتى (ربنا يخليهملى )
إخوتى و جورج بوش الأب
---------------------
اية الفرق بين العيد الحالى والعيد أيام الطفولة ؟
فرق كبييير
زمان كنت مهيص وبأخد عيديات
دلوقت متدبس وبأدى عيديات
وبأجيب لبس وبمب وصواريخ (بس مش ليا)
-----------------------
كلمنا عن ذكرياتك فى العيد ؟
للأسف بعد الجواز الذاكرة هنجت والزاهايمر تشعب وانتشر
مش فاكر أى حاجة
----------------------
تفتكر الحياة من غير عيد هتفرق كتير ؟
جداً جداً جداً
و دة سر ما أقدرش أقولة
---------------------
اية أجمل رسالة تهنئة بالعيد وصلتك ؟ ومن مين ؟
تهنئة حارة مولعة
بأعياد جميلة مشخلعة
ومعاها بمب وفرقعة
للناس المدلعة
بعتتهالى بنتى مراميرو
----------------
لسة بتاخد عيدية ؟من مين ؟ وبتديها لمين ؟
ياريييييت ، لكن للأسف بأدى عيديات لطوب الأرض
------------------------
اية رأيك فى التاج ؟
تحفة وجميل
--------------------
تحب تمرره لمين ؟
زوجتى (صدى الصمت )
أخو زوجتى (المراكبى )
أخت زوجتى (دردشة عالماشى )
وبعد كدة الدعوة عامة وكل ال يدخل يقرأ
معزوم عالعشاء وعالتاج وبأهديهوله
شـيـكـابـالا و مراميروو
زعيم الشيكابالا
أصـــدقــاء الــشــيـــكــا بـــالا
-
-
-
-
كيف تحولت مصر إلى مجرد مقبرة ؟؟قبل 9 أعوام
-
-
عاد ليبحث عن البلوجاريةقبل 12 عامًا
-
-
والآن قــــــد عدتقبل 13 عامًا
-
-
-
الاحتفال بالمولد النبوىقبل 15 عامًا
-
-
في مراسم الاعداد للربيع القادم ..قبل 15 عامًا
-
-
-
-
من أنا
- زمن الشيكابالالالا
- cairo, منتجع شيكابالا, Egypt
- 39 سنة ، ماجستير علوم ، قاهرى
هناك 10 تعليقات:
زوج أختى الغالية
فى البداية أهنيك بافتتاح المدونة
وشكلها كدة حتكون مدونة هايلة
كنت مخبى دة كلة فين؟؟
وشكراً على التاج اللى إنشاء الله حارد علية
كل سنة وانت طيب
سلام
لأ أنا أعترض بشدة بقى
ماله حالك بعد الجواز يا شيكابالا؟؟؟
ما إنت كويس وعايش أهو بعد عيد الأضحى
وما إندبحتش ولاحاجة !!!!
عاوز ايه تانى ؟
دردشة على الماشى
أخت زوجتى العزيزة :
وانتى طيبة كمان وشكراً على تعليقك الرائع وعقبال ما أبارك لزوجك على افتتاح مدونتة!
تحياتـــى.
ويلا شيكابالا شيكابالا
صدى الصمت :
أشكرك جدا على تعليقك الجميل.
بس ملكيش حق تعترضى: عشان قبل الجواز كنت بروح المنتجع.
بعد الجواز بقى مبروحش غير كارفور ـ اولاد رجب ـ المحمل.
تحياتى.
يلا شيكابالا شيكابالا.
اولاً : مبروك على افتتاح مدونتك واتمنى لك المزيد وبس كنت عايزة اقولك حاجة .... بس مش هينفع على الهوا بس كل اللى هقوله حساب من العدوه .. وياريت كنت كتبت عن صلاح جاهين لانه من الزمن الجميل فمهما قلت لااستطيع الوفاء بحقه ..
وعلى فكرة ميرسى على اللى قالته عليه "فى التليفون"
بـــوســـى
كل سنة وانتم طيبين جميعا
وبالاخص صدى الصمت
اختي العزيزة
ومرمر الصغيرة
بوسى
الله يبارك فيكى وعقبال ما أباركلك على افتتاح مدونتك .
وهأعمل حسابى وأخد احتياطاتى علشان العدوى.
أما بقى ميرسى بتاعتك دى مش عجبانى علشان انا لو مكانك مسيبش حقى أبــــدآ.
سلام.
يلا شيكابالا شيكابالا
marmar
وانتى طيبة وبخير وطبعاً سلامك وصل وعلية حبة شيكابالا.
سلام.
ضربت الخروف بالعربيه
طيب انا استكفيت اني اسرحله فروته لحد ما الخروف بقى معزة في ايدي
:)
كل سنه وحضرتك طيب
وعلى فكره كنت مفكره كلمة شيكابالا رمز للعيب شيكابالا وقلت الاهلوية عملينلنا دعم معتبر في التدوين
:))
لماضة
أهلاً بيكى شرفتى المدونة
وعيد سعيد على كل الناس وعلى الخرفان ال ما إدبحتش السنة دى
أنا والله مش متابع أى كورة قدم من أى نوع ومأعرفش اللعيبة وماعنديش أى خلفية أو خبرة كروية ،سلام
يلا شيكابالا شيكابالا
إرسال تعليق