هييييه الأنتخة نعمة
إمبارح صحيت بعد ميعادى بنص ساعة
وطبعاً دة بالنسبالى أنتخة مابعدها أنتخة
لأ لأ لأ دى مش أنتخة وبس دى بلطجة كمان
المهم لقيت قدامى وقت طويل قبل ما أنزل
عشان أروح مشوار كان ورايا
فقررت أستمتع بالوقت دة
وأول حاجة عملتها إنى رجعت لزمن الراديو
إمبارح صحيت بعد ميعادى بنص ساعة
وطبعاً دة بالنسبالى أنتخة مابعدها أنتخة
لأ لأ لأ دى مش أنتخة وبس دى بلطجة كمان
المهم لقيت قدامى وقت طويل قبل ما أنزل
عشان أروح مشوار كان ورايا
فقررت أستمتع بالوقت دة
وأول حاجة عملتها إنى رجعت لزمن الراديو
ونسيت تماماً الدش وال دى فى دى والكمبيوتر
وشغلت الراديو وبدأت فى إعداد كوب شاى مظبوط
وبعدها وبسبب أغنية عادية جداً جداً فى الراديو
رجعتنى لأيام كنت قربت أنساها
أيام المدرسة
ياااااااه كانت أيام جميلة قوى
والأغنية كانت أغنية
نجاح سلام : بالسلامة ياحبيبى بالسلامة
وفكرتنى بطقوس كانت الست الحاجة بتعملها:
كانت بعد ما تصلى الفجر تدخل المطبخ
علشان تجهز الساندوتشات واللبن وغيرة
وبعدها تصحينى أنا وأخواتى عشان نلبس
وكان الراديو بيكون شغال ولما كنت بأسمع أغنية
بالسلامة ياحبيبى بالسلامة
كان معناه انى لازم ألحق الباص بتاع المدرسة
وإلا هيفضل يضرب كالاكسات تصحى الشارع كله
المهم كل دة فكرنى ب3 حاجات كمان كانت بتيجى فى الراديو:
* عزيزى قائد السيارة
* أغنية أم البطل لشريفة فاضل
* كلمتين وبس للراحل فؤاد المهندس
بجد بجد كانت أيام حلوه
مش كدة وله ايييييه ؟
هناك 29 تعليقًا:
هما انتوا ايه حكايتكم بقى مع الزمن الجميل هههههههههههههههههههههه
رورو مع اغاني زمان والاصاله والحكم
وانت مع نجاح سلام وايام المدرسه
بصراحه انا كرهت الكورن فلكس لحد دلوقتيي عندي عقده منه عشان كل ما كنت اقوم للمدرسه الاقي ست الحبايب عملاهولي ههههههههههههههههههه
يمكن ده الي بيفكرني بالمدرسه جدا وايام زمان
قول للزمان ارجع يازمان
وبدرى عن معادك نص ساعه بقيت انتخه
لا ده انت فعلا شيكبالالالا
عزيزى قائد المدونة خلى باللك لتانتخ فى السور
هههههههههههههه
تحياتى
بغض النظر عن مذاكرة الثانوية العامة
ايام المدرسة بجد كانت اروع ايام ممكن حد يفتكرها
اول زيارة لمدونة حضرتك
عجبتني جداااا
تحياتي
:)
والله فكرتنى بحاجات جميلة
والظاهر إن زمان عشان ما كانش فية ريسيفر ودِش كان الكل بيتوحد عند الراديو وعشان كدة هتلاقى نفس التفاصيل عند كل اللى من سننا
لكن أنا بقى مدرستى كانت جنب البيت فكنت باسمع فؤاد المهندس وبعدين أنزل من غير ما أبص فى الساعة كان هوة دة الدليل على إن معاد مرواحى للمدرسة جة
شكراً على الذكريات الحلوة
صحيح بالمناسبة يا ترى إية اللى بييجى دلوقت بدل برنامج فؤاد المهندس؟
سلام
marmar
وهو مالو بس زمان والقديم كلة ؟
وبزمتك انتى كرهتى الكورن فليكس دة يعتبر وجبة دسمة حتى سن 99
تحياتى
gana magde
طبعا شيكابالا حتى النخاع. والأنتخة متفاوتة من شخص للتانى وطبعا انتى اكيد الأنتخه عندك نوم يوم كامل
وتقبلى انتختى قصدى شيكابالتى يييييييييييييية قصدى تحياتى
esraa hamed
اكيد حضرتك موس مذاكرة بدليل ان ذكريات شبح الثانوية بتطارد حضرتك رغم مرور 24 سنة عليها.
هيههههههههههة
شيكابالا بقى.
ودمتى حضرتك بكل الحضرات قصدى الود
هههههههههههههههههه
لو الانتخه بالنوم
اعترف واشهد واقر انى لم ادخل بعد فى الشعب المتانتخ هههههههههههه
وذلك لانى استيقظ من نومى الساعة السادسة صباحا سواء عندى شغل او محاضرات اوحتى اجازه
وانام الساعة العاشره مساء على اقصى حد للسهر
ايه رأيك بقه مش متانتخه خاااااااااااااااااالص
تحياتى
أيييه ده يا شيكابالا !!!!!!
إنت بتشغل الراديون من ورايا ؟
وكمان بتفتكر أيام المدرسة والساندوتشات !!!!
أنا لازم أحجزلك فى آلة الزمن عشان أرجعك لزمن للكمبيوتر والدش
هههههههه
كده لازم نقول ايه حكاية الاغانى معاكوا
الحالة دى نسميها الحنين الى الماضى
بس احلى حالة بجد
انا اكتر حاجة كرهتها فحياتى
انى اروح المدرسة
لأنى كنت مدرسة عسكرية يعنى صباح الرزالة و الالتزام
بوست جميل بجد و دمه خفيف جدا
و عجبنى التلات حاجات اللى فالاخر
تحياتى
معلش أًلى معشتش الزمن ده مقدرش أقول رأى عليه
لكن أنا مع إن موبايلى من الجيل الثالث يعنى حديث ومشغل mp3 و فيديو و......
لكن بسمع الراديو على طول و أنا فى أى مشوار أنا من عشاق الراديو حتى أيام المذاكره
فعلا فكرتنا بأيام عدت كانت جميله
بس سؤال كانت جميله علشان مفيش مسؤليه وقتها ولا علشان إيه
gana magde
أشكرك على زيارتك وإهتمامك وتعليقاتك الرائعة
بس لازم تجربى الأنتخة يمكن تعجبك
صدى الصمت
هههههه
والله فكرة حلوة حكاية آلة الزمن دى
بس أنا مابأشغلش الراديو من وراكى
إنتى ال بتكونى مأنتخة ومابتسمعيهوش
ههههههه
دردشة على الماشى
أشكرك على زيارتك وتعليقك الجميل
وبالنسبة لسؤالك فدلوقتى بيجى مكان برنامج فؤاد المهندس برنامج بينقد السلبيات أيضاً ولكن بطولة حسن حسنى
تحياتى
انت تسال والكمبيوتر يجيب
أشكرك على زيارتك وتعليقك
شرفت المدونة
تحياتى
مواطن مصرى نايم
أهلاً بيك يا مان شرفت المدونة
الحنين إلى الماضى مافيش أحلى منه ولو كان فى الحاضر حاجة تخلينا نأحن إليه كنا أكيد هنكتب عنها
مش كدة ولة ايه؟
اعشق فى اليل ضوء القمر
أهلاً بيك سرفتنى وخسارة إنك ماعشتش فى الزمن الجميل دة
وأكيد زمان أحلى عشان كان كل شىء بيتعمل كان بيأخد حقة من الإهتمام والإتقان ومراعاة الضمير والأخلاق
فكان الناتج جودتة عالية فى كل المجالات
دى وجهة نظرى الشخصية
فعلا الاغنية كانت بتتذاع الصبح وبتخلى الواحد يستجمع قوته كده ويحاول يشد جسمه من على السرير كأنه بيشد اتنين طن جديد
ايييييه
يا ريت الايام دى ترجع تانى
كانت بجد ايام لذيذة
المصروف موجود واللعب من غير حدود
والاهم مفيش هموم
تحياتى
وشكرا عل كلماتك الجميلة واعتذر عن الغياب لكن انت عارف بداية الاجازة والف حاجة لازم تخلصها
انا زيك تمام كل ما افتح الراديو افتكر ايام زمان كانت السرقه ليها طعم تاني
أنا كمان من زمن الإختراع العجيب ده اللي إسمه الراديون
كانت الرامج ممتعة وخفيفة ومليانة معلومات وثقافة
كان لي صديق فيلسوف .. بأقوال الحكماء شغوف
747120 إذاعة
أغرب القضايا
أبلة فضيلة
ربات البيوت
ساعة لقلبك
غواص في بحر النغم
يااااااااه
كانت أيام رائعة .. أين ذهبت تلك الأيام؟ هاجرت وألا إيه؟
بص بقي بما ان دي اول زياره ليا هنا فانا مش هطلع المسدس وهتكلم بشويش D:
..لما تسمع الراديو..دي حاجه حلوة جدا
كمان اغنيه بالسلامة ياحبيبي بالسلامة مافيهاش حاجه كلنا بنحبها
ولما تفتكر الطقوس المدرسيه اياها اللي كلنا مرينا بيها والحمد لله خرجنامنها بدون اي اعاقات..مش هقول حاااااااجه بالعكس دانا بحمد ربنا لما بفتكرها واكتشف اني لسه بعقلي
انما تقول ان ايام المدرسه كانت حلوة
لااااااااا اسمحلي
اهو ده اللي مش ممكن ابداااا
ههههههههههه انا لما بفتكر ايام المدرسه باعيط..المدرسين ف مدرستي كلهم تقريبا كانو هربانين من مستشفي المجانين قبل مايدرسولنا..دا هتلر كان هيبقي اطيب منهم
يلا ايااام
وبعدين دا لو النوم مقياس للانتخه ده انا كده بقالي عشر تيام مأنتخه..بس شعور جميــل بصراحة خاصه لو كان جاي بعد مفرمه الامتحانات
سعيده بالتعرف علي مدونتك
وعن اذنك عشان اكمل نوم لاني مانمتش الا 12 ساعه بس النهارده ودا وحش عشان صحتي
الأزهرى
أهلاً بك وسعيد بزيارتك قوى ومافيش أى داعى للأسف لأننا كلنا مشغولين ومطحونين
وانت تشرفنى فى أى وقت وياريت فعلاً أيام المصروف واللعب وقلة الهموم ترجع تانى
الحرامى
أهلاً وسهلاً بسيادة الحرامى المحترف
ربنا يكفينا شرك
وماتفتكرش السرقة زمان أو دلوقت
أحسن مضرة بالصحة
ههههههههه
يامراكبى
يا خبر يا زوج أختى دة انت طلعت حريف راديو أكتر منى
والله فكرتنى ببرامج حلوة جداً كنت ناسى بعضها
الحقيقة الأيام الرائعة ماهاجرتش إحنا ال بعدنا عنها وإتلهينا فى حاجات تانية كتير
دمت بكل الشيكابالا
سلسبيل
أهلاً بكِ فى أول زيارة للمدونة
لية بس المسدسات والمشاكل من أولها
الطيب أحسن أنا ماكنتش أقصد ان المدارس جميلة أنا كنت أقصد ان الأيام هية ال كانت جميلة فى الزمن القديم
وبعدين ايه موضوع المدرسين ال خارجين من مستشفى المجانين دول ؟
ههههههه
دة انتى طلعت ذكرياتك كلها مشاكل
ربنا يكون فى عونك ،
سعيد بزيارتك
ويلا شيكابالا شيكابالا
على فكره الأغنيه جامده جبتها منين
الزمان الجميل ولى .. ولكن بايدينا نعمل زمن جميل ورائع اكيد مش هيكون زى اللى راح لان اللى راح مش بيرجع لكن اللى اكيد انه ممكن نرجع الحياة الجميلة والهادئة لو اردنا .
تحياتى .. واشكرك على زيارتك ،،
دمت بخير وسعادة ،،
نفرتارى
اعشق فى الليل ضوء القمر
الأغنية دى من موقع موالى للطرب القديم
أشكرك على إستفسارك
نفرتارى
أهلاً بالفراعنة العظماء
أشكرك على زيارتك ولو إنى شايف إن الزمن الجميل مش ممكن نعمل زيه دلوقت تانى أبداً
أشكرك على تعليقك المتميز
إرسال تعليق