وكان لازم أبعتلها حاجة أنا كمان
حلوين وزى القمر مش كدة ؟؟؟
نبتدى بقى
1- لو كان ينفع تختار عصر تعيش فيه هيبقى انهى؟ ومين الحاكم؟
العصر الرومانى والحاكم هو طرمنييوس اله الضياع
.2- إيه اكتر حاجه بتحبها فى رمضان؟
لمة العيلة اول يوم
3- اوصف أجمل فطار ممكن تفطره؟
خروف محشى حمام باللحمة المفرومة
4- لو انت حاكم هتكون عادل ؟ وهتعرف ازاى ؟
هحاول طبعا وربنا يوفق
.5- مين أكتر اعلامى بتحبه؟
شعبان عبد الرحيم
6- لو ممكن شغلانه تانيه تختار ايه؟
قبطان اعالى المراجيح الدوارة
.7- تانى بلد تحب تعيش فيه بعد مصر ؟
لو لم اكن مصريا لوددت ان اكون مريخيا
.8- اوصف ترتيبات أجمل فرح ممكن تحضره؟
زفة بالكمان وحديقة مش قاعة والصبح مش بالليل
9- بتراعى كلام الناس والقيل والقال؟ وليه؟
لا طبعا علشان الناس كدة كدة بتتكلم
10-صحيت من النوم لا موبايل ولا كمبيوتر ولا كاميرا ديجيتال ورجعنا لعصر الحصنه والحمام الزاجل؟
هكون سعيد جدا
11-لما بتحب تهرب من كل حاجه بتروح فين ؟
ميدان التحرير لحظة خروج الموظفين
.12-امتى أول مره أخدت فيها نفس وقلت ياااااااه أنا كبرت؟
لما حد بيقولى يا عمو
.13-بتشرب سجاير ولا لا؟ وايه رأيك فى الرجاله والستات اللى بتشرب؟
ايوة بشرب ، لا تعليق
.14- بتعرف ايدك الشمال ازاى؟
هاتف بيقولى دى الشمال
.15- اكتر اله موسيقيه بتحبها؟
الكمنجة والعود
.16- ليه الذوق والنخوه اتعدموا؟
منعدموش وزى مافية الكويس فية الى مش كويس وعجبى
.17- ايه الحاجه اللى لو حصلت هبقى سعيد ؟
احقق حلم حياتى وامل عمرى
18- تحب أرض زراعيه ولا اجنس عربيات ولا كام عماره ولا فلوس فى البنك؟
احب الانتخة
.19- تحب؟ البحر ولا النيل؟
النيل
مركب ولا طياره؟
طيارة
.شخص مجنون ولا عاقل؟
عاقل
.تقرا كتاب ولا تتفرج على فيلم ؟
فيلم او كتاب قبل النوم
االتاج لمين؟
يا مراكبى –دردشة على الماشى-عجبى- الدعوة عامة
هناك 24 تعليقًا:
نحجز اول تعليق
بجد اجابات فى منتهى الجمال
لكن احلاهم
اجابة السؤالين 11و18
لكن اجمل حاجة فى الموضوع كله الصورة
زى القمر
ربنا يخليكم لبعض ويديم المحبة بينكم
وعلى فكرة انا صعب اقبل الدعوة لانى جاوبته قبل كده وكانت النتائج مؤسفة
http://fritend.blogspot.com/2008/12/blog-post_30.html
ما شاء الله إجابات زوج صحيح
ربنا يبارك ليكم
ميدان التحرير !!! ولحظة خروج الموظفين كمااااااااان !!!!!
لالالالالا
كده صعب جدا ده انت احتمال تتوه
هههههههههههههه
ربنا يديم عليكم الحب وكل ايامكم تبقى عيد حب يارب
دمت بخير
إجاباتك جميلة قوى يا شيكابالا
بس عندى عتاب صغير :
كدة تسرق صورتنا من ورايا وتنشرها من غير ما ألحق أظبط شعرى وماكياجى
هههههههه
الازهرى
شكرا على حجزك لاول تعليق.
بس ليه بتقول مؤسفة!!!؟ اجاباتك دى وجهة نظرك انت والناس كدة كدة مبتبطلش نم.
ويلا شيكابالا
اعشق فى الليل ضوء القمر
طبعا اى زوج لازم يجاوب بصدق وواقعية والا هيتحول لجوز حمام جاهز للدبح.
ودمت بكل الشيكابالا
marmar
دايما تعليقاتك خفيفة وظريفة .
دمتى بكل الود والشيكابالا
صدى الصمت
احلى حاجة لما الصورة تكون طبيعية وواقعية من غير رتوش ودياولو يا زوجتى العزيزه.
ههههههههههههههههههههههههههههههههههههههههههههههههههههههههههههههههههههههههه
تحياتى لك ولاجابتك المنطقية فى زمن الشيكابالالالالالالالالالا
شعبااااااااااااااان عبد الرحيم اعلامى ومريخيا مكان مصريا مش بقولك منطقيه
تحياتى
11-لما بتحب تهرب من كل حاجه بتروح فين ؟
ميدان التحرير لحظة خروج الموظفين
***********
يالهوووووووووووووي ودا هروب
دا انتحاااااااااااااااااااااااااااار
ههههههههههههههههههههه
و الله مشكلة
اجابات جميلة و الله
3- اوصف أجمل فطار ممكن تفطره؟
خروف محشى حمام باللحمة المفرومة
طب ده مش اكل دا كده عينه بس عشان نقرر حناكل و الا لا
و عشان نعرف حنطلب كام خروف
------------------------------
6- لو ممكن شغلانه تانيه تختار ايه؟
قبطان اعالى المراجيح الدوارة
احلى حاجة كده انك اكيد اكيد حتمرجحنا ببلاش
مش كده يا قبطان ؟؟
-------------------------------
13-بتشرب سجاير ولا لا؟ وايه رأيك فى الرجاله والستات اللى بتشرب؟
ايوة بشرب ، لا تعليق
دى بقى حتكلم بجد
حاول تبطل بجد
طبيعى المخ بيفرز نيكوتين و فى كبسولات نيكوتين فالصيدليات عادى
ممكن تساعدك اكتر انك تبطلها
تحياتى
اسلام
حبيت اعدى وقول كل سنة وانتم بألف صحة وسعادة ..
بس بجد لى تعليق بسيط ايه الصورة الحلوة دى .
تحياتى ،،
نفرتارى
اجابات حضرتك جميلة بجد
اتمني ان تقبل دعوتي لحضور توقيع أحيانا و احيانا
يوم الاربعاء القادم
11 مارس 2009
الساعة 7 مساءا
بمكتبة البلد أمام الجامعة الأمريكية
العمارة اللي فيها سيلانترو
http://www.facebook.com/event.php?eid=133120355079#/event.php?eid=133120355079
اتمني ان تشرفني بالحضور
:)
إيه التدبيسة دي بقى؟ ده كده التاج رقم 12 غير اللي شايلهم في الدولاب
سؤال: هي الصورة دي ما فيهاش مريومة ليه؟
المشكلة مش فى الاجابات
المشكلة فى طريقة ردودى انا
وكان عندى صور زيك بالظبط
راجعه وقول لى رأيك
على فكرة احنا مشتركين فى صفة
لو شرفتنى فى الحفلة عندى هاقولها لك ولو ما جيتش بعد الحفلة اقولها برضه
انا ما اقدرش ازعلك
gana magde
هيه الإجابات فى زمن الشيكابالا بتكون شيكابالا ودة طبيعى فى المريخ
ههههههه
أشكرك على زيارتك وتعليقك
كيــــــــــــارا
ميدان التحرير مكان رائع للإستجمام فى زمن الشيكابالا
أشكرك على زيارتك الجميلة
مواطن مصرى نايم
أكيد طبعاً هأركبكم المراجيح ببلاش بس الدخول مجاناً والخروج بفلوس
وموضوع السجاير دة هأبطلها إنشاء الله لما أنت تبطل نوم
هههههه
أشكرك على تعليقك المميز
نفرتارى
كل سنة وانت والأسرة بألف خير وصحة وسعادة
أما الصورة فدى أحلى صورة لقيتها عندى وأنتى عارفة الأصل طبعاً ماهى صحبتك
Esraa Hamed
أشكرك على زيارتك وتعليقك ودعوتك الجميلة
لكن للأسف ظروف شغلى ماسمحتش
يمكن تسمح فى المرات القادمة
وألف مبروك
يا مراكبي
معلش ياعم المراكبى أبقى شيل التاج دة جنب أخواتة فى الدولاب
وطبعاً الصورة دى أخدناها قبل ما مريومة تتولد
من ساعت ما إتولدت بطلنا نتصور
هههههه
أشكرك على زيارتك الغالية
الازهرى
والله أنا قريت إجاباتك وفعلاً حسيت يتشابة كبير بين أفكارنا فى كذا إجابة
بس كان جميل جداً ومش شايف فية نتائج مؤسفة
أنا آسف ظروف شغلى ماتسمحش حالياً إننا نتقابل
أشكرك على دعوتك الكريمة
إرسال تعليق