11‏/04‏/2009

فرصة ماتتعوضش

النهاردة مراتى خرجت تزور ناس قرايبها

وأخيراً جاتلى الفرصة إنى أقعد عالنت شوية

وأفضفض من وراها عن

(الجواز وسنينة)

وإليكم مواقف تعبر عن معنى الجواز كما قال المؤرخون وتناقلته الأجيال عبر الإيميلات :
الموقف الأول :

رجل يقول للطبيب: هل هناك طريقة لإطالة العمر؟؟؟؟
رد الطبيب: تزوج ؟
الرجل: هل سيساعدني ذلك؟؟؟؟

الطبيب: لا.... ولكن فكرة العمر الطويل لن تراودك مجدداً مطلقاً

الموقف التانى :

الزوجة: حبيبي ... اليوم هو عيد زواجنا .. ماذا سنفعل حيال ذلك؟؟؟
الزوج: فلنقف دقيقتان حداداً علي هذة الذكرى .



فكرة غريبة ومضحكة ايضا
عندما يتناقش الناس حول قضية الزواج عن حب ام الزواج التقليدي
إنة بمثابة المناقشة حول الإنتحار أم الموت قتلاً
فالمحصلة واحدة في النهاية !!!


قبل الزواج: لا ينام الرجل مفكرا في كلام قد قالتة المرأة
بعد الزواج: ينام فورا وقبل ان تكمل المرأة حتي كلامها معه


أخ خ خ .....

الظاهر هتحصل أزمة دبلوماسية بعد دقيقتين

أصل صدى الصمت رجعت

أكملكم المرة الجاية وألحق أزوغ دلوقت

سلام

هناك 13 تعليقًا:

اعشق فى الليل ضوء القمر يقول...

اولــــــــــ تعليقــــــ

هههههههه بجد ضحكت من قلبى
هى ديه فرق الحكمه
طبعا اسأل مجرب ولا تسأل طبيب
ههههههههههه
جامده بجد
وسلامى قبل صدى الصمت ما تضربنى

شمس يقول...

ههههههههه

وهيا دى الحياة

بس مهما كان

الجواز استقرار

تحياتى

marmar يقول...

ايه ايه ايه مين بيتكلم على الجواز طب ده اجمل نعمه ربنا اداها لعباده
عشان بعد الجواز الست بتبقى مطمنه ومرتاحه ومبسوطه ومش حامله هم اي حاجه مش معنى كده انها مع اهلها مش بتبقى مطمنه لا بتبقى مطمنه ونص بس في فرق شاسع بين اطمائنانها مع جوزها واطمئنانها مع اهلها
وهو ان الحب عنوان كل حاجه في حياتهم
ربنا يديم عليكم العنوان ده يارب
وسلام لاجمل اخت في الدنيا صدى الصمت

يا مراكبي يقول...

ياراجل حد يقول كده برضه على الجواز؟

طيب ده انا من كتر ما حبيت الجواز وعاجبني جدا بأفكر أتجوز تاني .. هههه

إوعى صدى الصمت تكون جنبك

مواطن مصرى نايم يقول...

هههههههههههههههههههه
و الله رغم صغر البوست بس ضحكت جدا
طب الدكتور ده تلاقيه واخد علقة من مراتة قبل ما ينزل يروح العيادة
هههههههههههههههههه
يا عمنا دا الجواز نعمة كفاية الاستقرار و انك تبعد عن وجع الدماغ اللى فبيت العيله

ربنا يهنيكوا يا رب
و قل اعوذ برب الفلق
اصل الحسد ماشى فالبلد اليومين دول

تحياتى

شاب كــ طخين ـــــا يقول...

ههههههههههههه
متخوفناش بقىهههههههههه

بوست جميل
واسم مدونتك جامد علشان مبحبش شيكا :D

تقبل تحياتى
سلام

Asmaa Fathi يقول...

هههههههههههه
ليه بس كده
دى حتى صدى الصمت جميله ورقيقه كده

وبعديييين لازم تعمل حساب اللى لسه مدخلوش دنيا اقصد جهنم

تحياتى ليك ولصدى الصمت
كده بقى انت محتاج وصايه علشان تاخد بالها منك ومتقعدكش تانى

تحياتى

وعجبى.....! يقول...

قال انيس منصور:
اربع زوجات‏:‏ واحده هي ام العيال والثانيه تساعدك والثالثه تجعلك تفكر في حماقه الزواج‏..‏ والرابعه هي التي سوف تطفش الزوجات الثلاث‏..‏ وانت ايضا

الخطوبه‏:‏ شهر‏..‏ والزواج‏:‏ اسبوع‏..‏ والباقي ندم علي ذلك‏
واقول انا:
ربنا يعدى البوست ده على خير ههههههه
دمت فى سعاده.

mimi يقول...

احييك علي البوست اللى يموت من الضحك ده وعلي الصورة بس انتم اتصورتوها امتى ؟انا هروح دلوقت لاختى وافتن عليك وعايزاكم تجيبولي حقى من ابن عمى وبالتوفيق الدائم ان شاء الله0

الازهرى يقول...

الجواز هو القرار الوحيد الذى يعتقد الرجل انه اتخذه بارادته الحرة وان الحياة سوف تبتسم له
ولكنه يكتشف فى النهاية كم كان مخدوعا

Kiara يقول...

ههههههههههههههههههههههههههه

دي حتي صدى الصمت عثللللللللللللللللللللل


اااااااااه راجل بقي تاكل وتنكر

Esraa Hamed يقول...

ههههههههههههههههه
البوست عجبني جداااااا

بس ليه كده يعني
!!!

عجبتني دي جداااااا
رجل يقول للطبيب: هل هناك طريقة لإطالة العمر؟؟؟؟
رد الطبيب: تزوج ؟
الرجل: هل سيساعدني ذلك؟؟؟؟
الطبيب: لا.... ولكن فكرة العمر الطويل لن تراودك مجدداً


تحياتي
:))

الازهرى يقول...

صديقى العزيز

تأخرت كثيرا

أرجوا أن لا يكون هناك من قرأ الكلمات وقرر معاقبتك
خاصة وان الاكياس البلاستيكية
اصبحت ارخص ثمنا

تحياتى دوما